سألت روحي فيه ايه

الناس كئيبة ليه

طب وهما عايزين ايه

نزلت في الشارع شوية

قلت أمشي رجلية

بصيت لاقيت ايه

اللي ماشي باصص قدامه ومش شايف

واللي شايف ظلم وعايز يتكلم وخايف

وده بابا دلعه لغاية ما بقي هايف

وده قرد مربي سوالف

وواحد علي واحدة غير مراته لايف

والتاني مسافر وسايب ابنه تالف

والتالت ماشي في طريق مخالف

والرابع شكله يثير المخاوف

وخد عندك بقيت التمانين مليون

يا عيني الله يكون في العون

عايشين في زمن ملعون

مع ناس وقفالهم في البلعوم

وبيدعوا عليهم كل يوم

العيشة خلاص بقت غيوم

والناس قاطعت اللحوم

وخلاص باعت الهدوم

ومن الفكر بطلت نوم

رجعت لبيتي مهموم

جوايا آلم مكتوم

امتي بقي ييجي اليوم

وتتحقق دعوة المظلوم

وتجيلهم شوطة بالكوم

 عرفت فيه ايه

والناس كئيبة ليه

علشان يعجب سعادة البيه